SALNÉS> Os sindicalistas evitaron que os traballadores entraran nas quendas de noite, adiantando unhas horas o inicio da folga.
{flowplayer}images/salnes/PIQUETES_SALNES.flv{/flowplayer}
Os accesos ó porto de Vilagarcía foron un dos puntos quentes horas antes da media noite, momento do inicio oficial da folga. Varios piquetes concentráronse na entrada para evitar a incorporación de traballadores na quenda de noite. Ocorría simultaneamente ás portas das grandes empresas da comarca, caso de Impress, Cefrico, Lantero e Civisa en Vilagarcía ou Extrugasa en Valga. A primeiras horas da mañá sumábanse á lista as firmas Precom, en Vilanoviña-Meis, a conserveira Pita, Fundivisa ou Isabel Galicia, no Grove.
Os polígonos industriais foron dos primeiros obxectivos dos piquetes ó inicio da xornada, e á marxe dalgún episodio que requireu presenza policial, como diante de Talleres Louzán en Rubiáns, Vilagarcía, o día transcorreu con normalidade. Neste mesmo parque atopábanse pechados os concesionarios de coches, grandes superficies comerciais, aínda que si abriron establecementos coma Bricoking ou a nave de electrodomésticos Miró. No caso dos Polígonos do Pousadoiro e A Pedreira, en Meaño, tranquilidade coas naves pechadas.
Redacción Salnés
