BARBANZA> Os plenos de constitución nos deixaron sorpresas. As maiorías absolutas do PP, agás en Rianxo, garantiron a investidura dos seus candidatos.
{flowplayer}barbanza/plenosconstitucionbarbanza.flv{/flowplayer}
Riaxo é un dos concellos da comarca no que se produciu un cambio de siglas na alcaldía. O nacionalista Adolfo Muíños converteuse en novo alcalde grazas ó apoio do PSOE que durante as últimas tres décadas gobernou en solitario no municipio.
Coalición estable
Tras prometer o cargo con lealdade ó pensamento de Castelao expresado no Sempre en Galiza, o novo rexedor aludiu á estabilidade do novo goberno de coalición no que a oposición tamén estará ben presente.
‘Valores de progreso’
En Boiro, Xoán Xosé Dieste recolleu o bastón de mando de mans de Xosé Deira quen durante os últimos oito anos ocupou a alcaldía. O novo alcalde agradeceu o labor do seu antecesor e dos cidadáns que o escolleron para asumir o reto de levar Boiro cara o progreso.
Relevo
En Ribeira, Manuel Ruíz xurou o cargo ante os membros da corporación e os tres ex alcaldes do concello ós que quixo expresar o seu profundo agradecemento, especialmente a Xosé Luís Torres Colomer de quen toma o relevo.
Sen cambios
Así as cousas, A Pobra convértese no único concello da comarca que non cambia de alcalde coa reelección de Isaac Maceiras que afronta xa a súa cuarta lexislatura.
Redacción Barbanza
