BOIRO> Os mariscadores de Cabo de Cruz denuncian a alta mortandade do marisco na praia de Mañóns.
{flowplayer}barbanza/mariscadorasmanos.flv{/flowplayer}
Cando esta mañá, os traballadores baixaron ata o areal de Mañóns para extraer bivalvo atopáronse con esta desagradable sorpresa. Moreas de marisco morto que, segundo eles, débese á presenza de argazo.
Os traballadores acusan a parte da directiva e, especialmente á presidenta, da agrupación de non planificar a limpeza das algas.
Augas quentes
Pola contra, dende a directiva insisten en que o marisco está a morrer pola elevada temperatura das augas e non pola presenza de argazo.
De tódolos xeitos, está previsto que este sábado se leven a cabo as tarefas de limpeza na praia de Mañóns.
Redacción Barbanza
