{flowplayer}images/salnes/baloncesto_270911.flv{/flowplayer}
A piques estivo de dar a sopresa o Cortegada nun partido no que se preveía que o Celta fose moi superior. Esa diferencia de categoría e presuposto só se reflectíu no marcador en seis puntos. E é que as de Pepe Vázquez, pese á súa xuventude e despois de tan só dez días de traballo co plantel ó completo amosaron xa un bo nivel de acoplamento.
Coas mesmas armas que caracterizaron ó equipo de Tito Díaz, defensa e contraataque, as vilagarciáns mantivéronse no partido durante os 40 minutos, pese ó bo arranque visitante. O Celta tan só puido irse dous arriba ó descanso e gañou o partido grazas ó acerto das súas xogadoras exteriores en xogadas puntuais.
Entre as locais destacaron as debutantes Williams e Claudia Aponte, con 16 e 10 puntos e Ylenia, que fixo 12.
Pepe Vázquez está contento co traballo feito ata o e agora aínda que cree que queda moito por facer.
O Thetrend Cortegada afronta mañá o seu segundo compromiso de Copa Galicia en Ferrol, mentres que o sábado voltará a Fontecarmoa para enfrontarse ó Arxil. O día 15 disputará outro amistoso previo ó inicio de liga que será o día 22 na cancha do Aguere tinerfeño.
Redacción Salnés