A hostalería vive a peor ponte das últimas décadas

    ocupacionhoteleira100.jpgBARBANZA> A crise está a deixarse sentir nesta ponte da Constitución na que tradicionalmente a ocupación no sector hoteleiro acadaba o cen por cento.

    {flowplayer}barbanza/ocupacionhoteleira.flv{/flowplayer}

    A aldea dos Muíños, na parroquia rianxeira do Araño, é un encrave idílico para pasar esta ponte festiva. De feito cada ano por estas datas estaban ó completo; sen embargo 2011 está a marcar a diferenza cun baixón de reservas que os seus propietarios non lembran nos dezaoito anos nos que leva funcionando esta casa rural.

    En canto á restauración a cousa tampouco pinta demasiado ben. Poucas reservas e as que hai decántanse por menús máis económicos tal e como nos explica o propietario de Casa Isolina, en Taragoña.

    O descenso de clientes é xeralizado en toda a comarca e non hai sector que non se estea a resentir.

    Sen embargo, os hostaleiros confían nun repunte ata final de ano xa que lembran que o Nadal é a mellor época do ano para permitirse un capricho. As ceas e comidas de empresa e as escapadas de turismo rural para fin de ano poderían salvar o mes.

    Redacción Barbanza