VILAGARCÍA> É unha nena, chámase Sabela, e naceu no 2 de xaneiro pasadas as dez e media da noite.
{flowplayer}images/salnes/PRIMEIRO_NENO_SALNES_2012.flv{/flowplayer}
Sabela, a primeira nena que naceu este ano no hospital do Salnés, viña ó mundo onte ás dez e media da noite mediante parto natural. Aínda que se fixo agardar. A nai, Magdalena, saíra xa de contas o 20 de decembro.
Sabela pesou tres quilos douscentos gramos e medíu 49 centímetros e medio. Esta mañá coñecíaa tamén o seu irmán, Manuel, que non se cansaba de acariñala mentres a nena durmía pracidamente.
O primeiro nacemento do ano no hospital do Salnés fíxose esperar este 2012, ó igual que ocorreu no centro sanitario do Barbanza. Alí tamén nacía onte o primeiro bebé, unha nena que viña ó mundo ó medio día. Aínda que o primeiro barbanzán do ano se adiantou máis. Viña ó mundo media hora despois das badaladas de noite vella. Foi no Clínico de Santiago. Un rianxeiro de nome Amaro que pesou 4,280 quilos.
Redacción Salnés
