David Torres Mascato é o novo responsable local do BNG

    davidtorresbnggrove.JPG O GROVE> A formación vén de constituír o novo consello local, no que estará como vice-responsable Victoria Canoura.

    David Torres Mascato é o novo responsable local do BNG no Grove. A formación vén de constituír o novo consello local e o nomeamento de Mascato produciuse por unanimidade dos membros da asemblea. Xunto a el estará como vice-responsable Victoria Canoura, e completando a composición do consello Brais Gondar, o concelleiro Heladio Outeiro Padín e Vanessa Leiro Iglesias.

    David Torres xa ten experiencia á fronte da formación nacionalista posto que xa exerceu con anterioridade como responsable de organización do BNG meco, mentres que Victoria Canoura conta cunha coñecida traxectoria como concelleira, no anterior goberno local, ocupando carteiras como Mercados, Comercio, Novas Tecnoloxías, Industria ou Mar.

    Nesta nova etapa, os nacionalista márcanse como obxectivos estar máis preto da cidadanía para trasladar as súas inquedanzas ás institucións.

    Redacción Salnés