VILAGARCÍA> Preocupan as paredes exteriores da sala de caldeiras a causa da mala calidade do terreo sobre o que se asenta.
{flowplayer}images/salnes/VisitaCeipArealonga_141112.flv{/flowplayer}
A visita correu a cargo de Ana Ortiz, delegada territorial en funcións da Xunta en Pontevedra, que estivo acompañada do xefe territorial de Cultura e Educación, César Pérez Ares, así como pola directora do centro, Milagros Vidal.
A delegada territorial en funcións puido comprobar os problemas que sofren as paredes exteriores da sala de caldeiras a causa da mala calidade do terreo sobre o que se asenta.
A zona foi delimitada e pechada para garantir a seguridade da comunidade educativa unha vez que se comprobaron os problemas dos muros.
As obras darán comezo nos vindeiros días e terán un orzamento entre 15.000 e os 20.000 euros, que suporán o derribo dos muros afectados e a execución de novas paredes que melloren o peche da sala.
Milagros Vidal, pola súa banda, agradeceu a rapidez coa que se actuou para atallar a situación e sinalou que o centro continúa a precisar máis melloras.
Redacción Salnés
