RIBEIRA> Este domingo disputarase a primeira Bandeira de Traíñas Concello de Ribeira. Na regata de pretempada participarán máis de 300 remeiros procedentes de clubs de toda Galicia: 15 en categoría masculina e 3 en feminina. O inicio da competición, que se desenvolverá na zona de Coroso, está previsto para as once da mañá, coa categoría feminina. Ás once e media terá lugar a modalidade masculina, primeiro cos clubs pertencentes á Liga Galega de Traíñas B e despois cos equipos da liga A.