Lois Rodríguez e Alba Baamonde, dominadores do Trail de Bealo

BARBANZA> Na carreira, incluída no circuíto Arousa-Revolutrion Trail Series, tomaron a saída un total de 245 atletas. Uns 245 corredores participaron onte domingo no I Trail de Bealo, a terceira das catro probas das que consta este ano o Arousa-Revolutrion Trail Series. A carreira, organizada pola asociación Arousa NEO e a Mancomunidade de Municipios Arousa Norte, estivo moi condicionada polo tempo. Aínda así a chuvia e o vento reinantes non impediron que se vira un bo espectáculo. Na categoría senior, a proba estivo dominada practicamente de principio a fin por Lois Rodríguez do Revolutrion Trail Ribeira. O atleta padronés, que xa se impuso nos dous trails anteriores, o de San Alberte e San Isisdro, logrou completar o percorrido de catorce quilómetros cun tempo de 1:01:44. Por detrás del entraron na liña de meta a máis de tres minutos, José Manuel Iglesias do Noitebra , que foi segundo, e Hugo Arias do Xesteiras. En canto á categoría feminina a vencedora foi Alba Baamonde do Coffe Times noiés cun tempo de 1:10:56: en segundo lugar entrou a máis de seis minutos María González e Olalla Conde. Na categoría de veteranos os vencedores foron , Silvia Calvo e Ramón Folga: Por equipos vencía o Vagalume Energía en homes e o Como Cabras! en mulleres, mentres que en mixto os gañadores foron Dani&Bea. A carreira celebrouse sen ningún incidente de consideración e os atletas participantes destacaron, tanto o alto nivel organizativo coma a espectacularidade do percorrido. A seguinte cita do Arousa-Revolutrion Trail Series, a cuarta proba e xa derradeira do circuíto, será o próximo tres de abril coa disputa do Trail de Castro Barbudo en Rianxo. {flowplayer img=https://www.canalriasbaixas.com/images/ano2016/03marzo/07/trail_bealo0703161.jpg}https://www.canalriasbaixas.com/images/ano2016/03marzo/07/trail_bealo070316.mp4{/flowplayer}