A Mancomunidade do Salnés lanzará Salnés Click os días previos á Semana Santa

SALNES> A Mancomunidade do Salnés ultima a posta a punto de Salnés Click. Os técnicos e alumnos do obradoiro de Marketing e turismo encárganse da formación dos comerciantes para xestionar a promoción dos seus produtos. A mancomunidade recibiu unha subvención de 60 mil euros da cámara de comercio para potenciar e impulsar a plataforma. Está previsto que a súa estrea teña lugar en semana santa.

A Mancomunidade do Salnés continua dando pasos firmes para poñer en funcionamento Salnés Click, un espazo dixital onde mostrar toda a oferta turística e comercial da comarca. A plataforma está preto de ser lanzada e dende o organismo comarcal levarán a cabo unha campaña de promoción para chegar a todos os comercios da zona. A iniciativa contará cunha subvención de 60 mil euros aprobada pola cámara de comercio.

Esta campaña completarase con publicidade en plataformas dixitais, redes socias e diferentes espazos públicos. Ademais volverase facer un reparto de manteis e bolsas entre os comercios da comarca. O obxectivo é dar a coñecer a web entre todos os clientes da contorna.

A parte comercial de Salnés Click será xestionada polos propios comerciantes. Por iso, os técnicos e os alumnos da mancomunidade estanse encargando da súa formación.

A previsión é que a plataforma esta aberto ao público a semana anterior á semana santa. Deste xeito os clientes poderán realizar as súas compras de forma online nos comercios do Salnés durante as vacacións.

DEIXAR UNHA RESPOSTA

Por favor, engade un comentario!
Por favor, engade o teu nome aquí