O alcalde de Rianxo, Pedro Piñeiro, e o concelleiro delegado de Protección Civil, Roberto Carlos Iglesias, foron os encargados de presentar o novo material que vén de ser adquirido pola Agrupación de Voluntarios e que dará servizo na praia de Tanxil.
Trátase fundamentalmente dunha silla anfibia para o traslado á praia de persoas con algún tipo de discapacidade física e un desfibrilador semiautomático.
A compra do novo equipamento, cun custe total de 4.831 euros, foi posible grazas a unha subvención da Deputación da Coruña e a fondos do propio concello.
O material estará a disposición dos ususarios do areal de Tanxil, un dos máis representativos deste municipio, onde ondeará este verán unha vez máis a bandeira azul. O novo equipamento posibilitará ademais a mellora de servizos que se prestan habitualmente nesta praia rianxeira.
Redacción Barbanza