A Dirección Xeral de Protección Civil de Galicia ven de adxudicar, a través do Plan SAPRAGA 2006, unha importante cantidade de material ós concellos barbanzás para misións de protección civil nas praias da comarca. Entre o material cedido atópanse prismáticos, remolques, caixas de urxencias, bandeiras, uniformes para socorristas e voluntarios e incluso unha embarcación con remolque a motor.
Para a adxudicación do material entre os diferentes concellos tívose en conta a afluencia de xente así como o número de intervencións e incidencias rexistradas en cada areal no ano 2005. Neste senso o concello de Ribeira foi o que máis medios recibiu, seguido de Boiro e Rianxo.
Este ano a inversión en material destinado ó Plan SAPRAGA incrementouse en preto dun 25% en comparación co ano anterior devido a que se incorporou por primeira vez unha partida específica para material de primeiros auxilios, tal e como comentou o Director Xeral de Protección Civil, Antonio Espinosa.
Ademáis, posto que as praias se usan ademáis de para o baño, para a práctica de deportes, dende a Dirección Xeral insisten en que se van a vixilar todos estes aspectos para evitar que se produzan accidentes que poderían ser evitables.
Por provincias, as maiores dotacións recibiranas as provincias da Coruña e Pontevedra, posto que son as que máis areais teñen no seu litoral.
Redacción Barbanza