{flowplayer}barbanza/saneamentosantacruz.flv{/flowplayer}
O goberno pobrés ten previsto executar a rede de auga potable nos lugares de Rosamonde, A Granxa e Casa Queimada así como o saneamento no lugar de Tarrío. Ámbalas dúas actuacións incluíranse no Plan especial de Actuación en Servizos da Deputación da Coruña que se vai aprobar o próximo mes de maio.
O primeiro dos proxectos consistirá na instalación de 690 metros de tubaxe de 90 milímetros mentres que no segundo se contempla a dotación de 470 metros de canalización de PVC de 315 milímetros a conectar coa rede xa realizada na estarada AC-302.
Os responsables locais informaron tamén do proxecto de mellora na rede de abastecemento ó longa da estrada que vai do Colo da Arca a Aldea Vella con cargo ós orzamentos municipais así como do bo ritmo ó que marchan as obras da rede de sumidoiros e pozo de bombeo en Roupión, financiadas pola Consellería de Medio Rural.
Compromiso coas parroquias
Estas catro actuacións suporá unha inversión total de 400 mil euros que poñen de manifesto o compromiso do goberno local coa parroquia de Santa Cruz. Por este motivo, o alcalde non entende a postura dalgúns veciños que din sentirse discriminados cando o obxectivo do concello é proporcionar os servizos básicos a tódolos núcleos.
Unha vez acometidas estas actuacións, o executivo seguirá a estender a rede de saneamento nos lugares de Rego e Pedriñas co obxectivo de conquerir o saneamento integral do concello.
Redacción Barbanza