{flowplayer}barbanza/previofeiraoportunidades.flv{/flowplayer}
Un ano máis, a asociación de empresarios de Noia instalará unha carpa mixta no ximnasio do IES Campo de San Alberto para acoller a súa feira de oportunidades.
Máis de trinta comercios, principalmente de téxtil e calzado, instalarán os seus stands entre os días seis e oito de marzo. A feira permanecerá aberta os tres días en horario ininterrompido polo que os compradores dispoñen de moito tempo para adquirir artigos de primeira calidade a prezos moi interesantes.
Grandes descontos
A patronal aposta por estas datas para a celebración desta feira posto que a moda de inverno soe ter un prezo máis elevado. De aí, a necesidade de introducir descontos que poden chegar mesmo ata o 70 por cento.
Dende a directiva da patronal agardan contar cun gran número de visitantes e que, ó igual que en anos anteriores, a feira sexa beneficiosa tanto para os compradores como para os comerciantes.
Redacción Barbanza