{flowplayer}images/salnes/260509_raton_santa_rita.flv{/flowplayer}
As Festas de Santa Rita 2009 superaron tódalas expectativas. De acordo coas cifras que baralla a concellería de Cultura, entre o sábado e o domingo máis de 30 mil persoas de toda a comarca se deron cita en Vilagarcía para gozar destas celebracións. A aposta deste ano por ampliar a programación deu os seus froitos, aínda que foi a Feira do dezanove o evento que máis visitantes conseguiu atraer.
É por isto que desde o departamento de cultura xa están a barallar a posibilidade de que este mercado de época se converta nunha celebración independente das Festas de Santa Rita, con data propia no calendario. Antes de decidir ese día, o concello consultará cos comerciantes e hostaleiros de Vilagarcía, ademais dos colectivos que fan deste mercado un evento participativo.
Pero unha vez rematadas as celebracións na honra de Santa Rita, o departamento de cultura está a traballar xa na outra cita destacada para este verán: as Festas de San Roque. Celebraranse entre o 14 e 23 de agosto, e aínda que o edil de Cultura, Xosé Castro Ratón, non quixo dar pistas sobre os eventos que están a organizar, si avanzou moitas sorpresas.
Redacción Salnés