{flowplayer}images/salnes/270709_morto_morana.flv{/flowplayer}
Eduardo Taboada Méndez tiña 19 anos e era veciño de Moraña. Ó parecer saíra da casa na noite do venres e, ó ver que non regresaba, a súa irmá decidíu acudir ás dependencias da Garda Civil de Cuntis para denunciar a súa desaparición. Foi onte, a primeira hora da mañá. Pouco tempo despois, o 112 alertaba da aparición do mozo no encoro de A Baxe.
O coche do rapaz localizouse a uns tres quilómetros de distancia do punto no que apareceu morto. Trátase dunha zona de difícil acceso, non apta para o baño, polo que se descoñece cómo puido chegar ata alí o corpo.
A investigación deste suceso está en mans da Policía Xudicial. En principio non se descarta ningunha hipótese, e será a autopsia a que rebele a causa e circunstancias da morte. Este incidente vense a sumar a un fin de semana negro na comarca, xa que tamén onte, un home de 50 anos veciño de Vilagarcía precipitábase sobre unhas rochas en Punta Corbeiro, Sanxenxo mentres pescaba. O home foi rescatado e trasladado a un centro sanitario de Pontevedra con politraumatismos no corpo e a cara. Non correu a mesma sorte o veciño de Vilaxoán que hai máis dunha semana foi atropelado por un coche mentres circulaba pola beirarrúa. Logo de pasar varios días en coma finalmente faleceu.
Redacción Salnés