{flowplayer}barbanza/depuradoraribeira.flv{/flowplayer}
Dende hai tempo unha das prioridades da Xunta de Galicia é a consecución do tan ansiado saneamento integral de Ribeira. Unha actuación na que levan traballando conxuntamente as consellerías de Medio Ambiente e Mar coa finalidade de buscarlle a mellor ubicación posible a futura estación depuradora de augas residuais.
Segundo explicou o propio titular de Medio Ambiente, Agustín Hernández, estase a piques de recibi-los últimos informes técnicos que determinen as dúas alternativas posibles, ou ben a construción de dúas depuradoras ou ben unha única.
Agustín Hernández sinalou ademais que a actuación está a ser levada a cabo cabo co maior consenso posible, cun diálogo directo coas confrarías afectadas, primeiras interesadas en mante-la importante riqueza pesqueira e marisqueira da zona, así como tamén co propio concello ribeirés.
Máis inversións
O conselleiro de Medio Ambiente sinalou ademais que o seu Departamento está a traballar tamén noutro proxecto valorado en máis dun millón de euros de cara a mellora-lo saneamento neste municipio e que permitirá a eliminación das augas pluviais da propia rede xeral.
Redacción Barbanza