{flowplayer}images/salnes/POL_VILANOVA.flv{/flowplayer}
A baixada da liña de protección costeira na zona das Sinas, é o maior logro sinalado polo alcalde. Para Gonzalo Durán, as numerosas reunións mantidas coa Dirección Xeral de Sostibilidade e Paisaxe, conseguiron que o goberno autonómico aceptase a baixada do límite de afección do Plan de Ordenación do Litoral situado a 500 metros á beirarrúa interior da actual estrada.
O executivo vilanovés sae así ó paso das declaracións vertidas polo BNG do municipio. Os nacionalistas, acusaron ó goberno local de mala xestión das alegacións ó POL.
O alcalde amosouse satisfeito coas negociacións, e adiantou que dende o concello xa presentaron novas peticións. Esta vez, a nivel estatal.
Aínda que dende o goberno de Vilanova aseguran que hai cousas que se poderían mellorar do documento, decláranse satisfeitos co seu conxunto.
Redacción Salnés