{flowplayer}barbanza/detencionlacaixa.flv{/flowplayer}
Se ben a detención de Francisco Javier Otero non causou gran sorpresa entre os veciños posto que eran coñecidas as denuncias existentes contra el dende o seus despedimento, o amplo dispositivo desenvolvido pola Garda Civil non deixou indiferente a ninguén.
A detención producíase pouco antes das nove da mañá cando os axentes, encarapuchados, interceptaron o vehículo de Otero cando se dirixía ó seu traballo.
Todo aconteceu na rúa principal da Pobra polo que houbo numerosas testemuñas, algunhas das cales mesmo pensaron que se trataba dun secuestro. De feito, a policía local recibiu diversas chamadas alertando dos feitos.
Documentación incautada
Trala detención, os axentes realizaron rexistros no domicilio habitual e no lugar de traballo de Otero así como nunha asesoría de Rianxo coa que colaboraba, onde requisaron diversa documentación.
O detido permanece arestora baixo custodia policial e está previsto que pase a disposición xudicial mañá en Ribeira.
Redacción Barbanza