BOIRO> A oficina, pertencente á Cámara de Comercio de Santiago, deixa de realizar a súa actividade no Barbanza despois de doce anos. Tras doce anos, a antena local da Cámara de Comercio de Santiago pechará as súas portas en Barbanza, co fin do Programa Marco da Unión Europea que financiaba este proxecto. A Antena iniciou a súa actividade en Boiro no ano 2004 cunha oficina na que se prestaba servizo de proximidade ás empresas da zona. A partir de agora seguirán ofrecendo servizos ás empresas locais desde as súas instalacións de Santiago co obxecto de contribuír ó desenvolvemento do tecido produtivo dos concellos da zona. Ademais a Cámara de Comercio mantén actualmente contactos coas distintas Administracións locais, en concreto co concello de Ribeira, para desenvolver actividades en materia de emprendemento. A entidade pretende ademais poder dar continuidade ó proxecto na comarca no futuro co novo Programa Marco 2014-2020, desenvolvendo unha iniciativa similar á xa realizada ata o de agora. {flowplayer img=https://www.canalriasbaixas.com/images/ano2016/01xaneiro/21/peche_antenalocal_boiro2101161.jpg}https://www.canalriasbaixas.com/images/ano2016/01xaneiro/21/peche_antenalocal_boiro210116.mp4{/flowplayer}