VIALGARCÍA> Os usuarios do Complexo Deportivo Piscina Concello de Vilagarcía maniféstanse polo abandono que sofren as instalacións. O motivo das súas protestas é o mal estado da maquinaria do ximnasio. A empresa concesionaria asegura que non investirá en novos materiais mentres non se renove a concesión.
Máis de 30 usuarios do Complexo Deportivo Piscina Concello de Vialgarcía manifestáronse enfronte as instalacións para reclamar polo abandono no que se atopa o ximnasio. Segundo as súas queixas, as máquinas son moi antigas e a maioría non funciona.
Con esta denuncia pública, os afectados, piden que tanto o concello como Serviocio, a empresa que xestiona o servizo, busquen unha solución e melloren as instalacións.
Dende Serviocio recoñecen que as máquinas non están no seu mellor estado e que están pendentes da renovación da concesión para investir en materiais novos.
Tanto a empresa como o concello xa comezaron as conversacións para a publicación dunha nova concesión pero aínda non hai datas. Pola súa parte os usuarios esperan que atendan as súas queixas e non ter que seguir manifestándose.