O GROVE> O Grove traballa no recursos para evitar que a Torre do Escuredo perda a catalogación de Ben de Interese Cultural. A xunta podería retirar o BIC tras solicitar os propietarios que o inmoble non é un castelo, como así constaba na súa declaración. O concello sospeita que familia busca a ruína da instalación para sacar adiante unha operación turística.
A Torre do Escuredo do Grove podería perder a súa declaración de ben de interese cultural. Dende Patrimonio toman a decisión tras unha reclamación da familia propietaria solicitando que o inmoble non é un castelo, como así consta na súa declaración. Dende o Grove móstranse sorprendidos por esta decisión, xa que aseguran ter dous informes de Patrimonio totalmente contraditorios.
A Torre do Escuredo atópanse en mal estado, sen recibir os coidados e mantementos necesarios. Tarefas que correspondían á familia propietaria. Dende o concello sospeitan que os donos teñen outros intereses.
Agora ábrese o tempo para reclamar a decisión de patrimonio. Dende o goberno local xa traballan no recurso para evitar que o edificio perda a súa declaración.
No proxecto do Pxom do Grove, o concello xa estudaba a posibilidade de que a Torre do Escuredo puidese ter carácter público. Unha medida que dende o goberno local tamén estudarán.
Outra das posibilidades que o concello baralla para que a Torre do Escuredo continúe mantendo a declaración de BIC é o seu carácter histórico. Segundo indican dende o goberno local, o edificio tivo a súa importancia na historia de Galicia xa que por el pasaron personalidades como Emilia Pardo Bazán, Curros Enríquez ou ministros da época.