VILAGARCÍA> O entroido chegou aos colexios da nosa contorna. Nos centros educativos, especialmente nos de infantil e de primaria, case todos os nenos e nenas acudiron disfrazados as clases. No caso do CEIP de Rubiáns a temática dos disfraces centrouse na arte co obxectivo de mesturar diversión e cultura.
O entroido xa chegou aos colexios da nosa contorna. Na maioría dos centros educativos, especialmente nos de infantil e primaria, todos os nenos e nenas acudiron disfrazados ás aulas. No caso do CEIP plurilingüe de Rubiáns cada curso disfrazouse de forma diferente pero todos seguindo a mesma temática, a arte.
Seguindo co seu proxecto pedagóxico, os nenos e nenas non só se disfrazaron de artistas ou das súas obras, se non que abondaron na historia de moitos artistas descoñecidos.
Como celebración do entroido, os escolares desfilaron dende o colexio ata o centro cultural de Rubiáns onde fixeron un pequeno certame de disfraces.
Tanto as nais e pais como os máis pequenos gozaron coa xornada de entroido.
O entroido celebrouse no resto de colexio da nosa contorna. En Vilanova os nenos e nenas tamén desfilaron centrados na temática do espazo. Na escola infantil municipal de Vilagarcía as diferentes clases convertéronse en pequenas froitas.