POBRA> O IES da Pobra do Caramiñal acollía esta mañá o acto de presentación da 18 edición das bolsas a deportistas Juán Lampón.
A iniciativa, promovida polo centro educativo pobrense, conta co respaldo económico de Dolores Outeiral e José Lampón, que en memoria do seu fillo Juan, falecido en xullo de 1995 nun accidente durante unha regata, decidiron crear estas axudas, que premian a labor de mozos da comarca que compaxinan os seus estudos coa paixón polo deporte.
Aínda que inicialmente estaba destinada unicamente a estudantes da Pobra, hai un anos decidiu abrirse tamén a convocatoria a tódolos institutos do Barbanza.
En total son seis bolsas, dotadas con 250 euros cada unha, en material escolar, deportivo ou cultural.
Os interesados poderán presentar as súas solicitudes ata o vindeiro 31 de marzo, ó correo electrónico do propio instituto, incluíndo o curriculo deportivo con xutificación de méritos.
A publicación da lista provisional de candidaturas realizarase o 14 de abril e a definitiva o 24.
A entrega das bolsas os gañadores terá lugar nu acto previsto para o 5 de maio.
No acto de presentación desta mañá tomaron parte o director e a vicedirectora do instituto pobrense, Alejandro Bobillo e Belén Besada, respectivamente, así como tamén o profesor de Educación Física José Luís Nogueira.
Tamén asistiu a presidenta de honra destas bolsas, Dolores Outeiral, e como convidadas especiais contouse coa presenza da deportistas Esther Martínez e Analía Tuñas, da disciplina Aikido, que aproveitaron o acto para contar a súa experiencia no deporte.
