Boiro

As obras de ampliación da casa da cultura de Boiro poderían estar rematadas a finais de ano. Así llo comunicaron os responsables da obra ó alcalde nunha visita realizada esta mañá á Cachada para comprobar o avance dos traballos.

O concello de Boiro programou unha ampla e variada axenda cultural para estes meses de outono. As propostas volven apostar polo teatro, a música e o cinema coma eixos principais.

O concello de Boiro vén de acondicionar un local para a comunidade de montes no centro social de Cespón. Emprázase na parte superior do inmoble que fora executado con fondos da entidade trala cesión dos terreos por parte da administración local.

Boiro celebra este vindeiro domingo a quince edición da Festa da Bici. A cita, organizada polo Concello e promovida polo Club Ciclista Barbanza, reunirá a preto de 800 participantes. A proba non terá un carácter competitivo e a súa finalidade non é outra que a promoción do deporte das dúas rodas.

O executivo boirense inviste preto de 200 mil euros na posta a punto de varias instalacións deportivas municipais, en con creto nos campos de fútbol de Barraña e Vista Alegre. As dúas instalacións deportivas foron renovadas para este inicio de temporada.

A Asociación de Xubilados de Boiro insiste na necesidade de construír unha residencia pública no municipio. Despois de manter unha xuntanza co director xeral de Maiores, Antón Acevedo, este confirmoulle que o Concello non puxo a disposición da Xunta os terreos necesarios para poder acometer esta importante actuación.

Aínda que a pasada tarde se restablecía por completo o subministro de auga no concello de Boiro, os cortes producidos ó longo desta semana seguen sendo obxecto de debate entre goberno e oposición. O PP acusa ó concello de tentar descargar responsabilidades sobre Augas de Galicia cando as avarías, din, producíronse na rede municipal e non na estación potabilizadora de Padrón.

Dende o concello de Boiro volveron explicar que a situación vivida esta semana é froito da seca prolongada tal e como evidencia a súa inclusión na lista de 74 municipios en situación de seca prolongada.

O executivo boirense vén de adxudicar, por algo máis de 18 mil euros, as obras de instalación dunha zona de psicomotricidade no parque infantil da praza de Galicia. A actuación ten como obxectivo dotar a este espazo público dun novo equipamento orientado á actividade física e ó desenvolvemento da psicomotricidade, diversificando e ampliando os usos do parque. Un dos máis concorrido de todo o termo municipal.

O executivo de Boiro saíu ó paso das críticas do PP sobre a falla de previsión na xestión da rede de abastecemento. Dende o goberno enviaron tamén unha mensaxe de tranquilidade á cidadanía asegurando que a auga é apta para o consumo.