Lousame

A Plataforma en contra dos vertidos da mina de San Finx entende que se trata dunha mala nova para a toda a comarca, aínda que nos os colle por sorpresa, pois xa se sabía que a Xunta tiña intención de sacar unha convocatoria de novos dereitos mineiros. 

A Xunta estuda a reapertura de varias minas en Galicia, entre as que se atoparía a de San Finx, en Lousame. A conselleira de Industria, María Jesús Lorenzana, anunciou a convocatoria de novos dereitos mineiros que permitirán solicitar directamente a concesión de explotacións nas que se demostrou a existencia de recursos como o volframio, o ouro ou o estaño, que, segundo ela,  son de relevancia para sectores tan importantes como o da defensa ou a automoción.

A delegada da Xunta na Coruña, Belén do Campo, comprobou esta mañá en Lousame os traballos de prevención de incendios que se están a realizar actualmente na zona do monte Treito. Trátase da limpeza das faixas de seguridade para reducir o risco de propagación no caso de que se producise un lume. Este tipo de acción enmárcanse no Plan de Prevención e Defensa contra os Incendios Forestais de Galicia.

A delegada territorial da Xunta visitou esta mañá Lousame para comprobar o resultado das obras levadas a cabo en varios núcleos da parroquia de Camboño no marco do denominado Plan Hurbe. A actuación, cun orzamento de 385 mil euros, dos que o 70% foron achegados pola Xunta, permitiu o acondicionamento interior dos núcleos de Corral de Abaixo, Chousa e Corral de Arriba.

O BNG demanda un plan de aproveitamento da planta de Servia en Lousame, despois de que a Mancomunidade Serra do Barbanza se adherise a Sogama. Os nacionalistas opóñense ó peche das instalacións que suporía a perda de máis dun cento de empregos, maioritariamente femininos.

O concello de Lousame presentou oficialmente a campaña Zernadas de Castro 2027 coa que busca promover a candidatura do cura de Fruíme ás Letras Galegas. No ano en que se cumpren 250 anos do seu pasamento buscarán reivindicar a súa figura como precursor do galeguismo.

O concello de Lousame rendeu unha homenaxe á deportista Carolina Castro, que vén de acadar a medalla de bronce no campionato nacional de remoergómetro. Veciños, amigos e familiares quixeron recoñecer o gran esforzo desta moza pola súa capacidade de superación.

A secretaria xeral do PPdeG, Paula Prado, valorou esta mañá no Pico Muralla de xeito moi positivo a decisión do Tribunal Constitucional que levantou a suspensión provisional aplicada a varios puntos da lei galega referida a repotenciación eólica. Prado referiuse ó novo revés que lle dá a xustiza ó Goberno Central, despois do acontecido coa lei do Litoral, que segundo ela, o único que busca, é poñer atrancos ós intereses de Galicia.

A delegada territorial da Xunta na Coruña desprazouse ata Lousame para coñecer as actuacións que se están a  desenvolver con cargo ó Fondo de Cooperación Local. Trátase da mellora da eficiencia enerxética do polideportivo e da piscina municipal, proxecto que contaron cunha axuda autonómica de 60 mil euros.

A Deputación da Coruña subvencionará a renovación do campo de fútbol de Cabanetán, en Lousame. A actuación, cun orzamento de máis de 200 mil euros, suporá unha importante mellora na instalación deportiva.