Medio Rural dá por estabilizado o incendio de Ribasieira
Controlado pero aínda activo. O incendio forestal declarado a pasada tarde na parroquia sonense de Ribasieira, supera xa as 45 hectáreas afectadas. Na súa extinción traballaron numerosos medios, tanto aéreos coma terrestres.
Noia destinará a maior parte do POS+ á mellora ambiental da Barquiña e a...
O executivo de Noia presentou as obras a incluír no Plan de Obras e Servizos da Deputación da Coruña tralo acordo acadado co grupo municipal do BNG. Entre as actuacións máis destacadas figura a automatización da planta potabilizadora de auga ou a rehabilitación da contorna do cruceiro da Barquiña.
Noia destinou máis de medio millón de euros a melloras no saneamento
O concello de Noia inviste máis de medio millón de euros na renovación da rede de saneamento e pozos de bombeo. Ademais das actuacións principais, a brigada de obras está a realizar reparacións puntuais nalgúns treitos da rede que presentaban roturas.
O conselleiro de Sanidade visita a Unidade de Condutas Aditivas de Noia
O conselleiro de Sanidade, Antonio Gómez Caamaño, visitou á Unidade de Condutas Aditivas de Noia. Alí destacou o papel deste centro que atendeu no que vai de ano a unhas 207 persoas, non só da localidade senón tamén de municipios veciños como é o caso de Lousame, o Porto do Son, Outes, Muros e Carnota.
500 deportistas daranse cita na carreira popular Noia Medieval
Cincocentos corredores daranse cita en Noia para participar na Carreira Pedestre Nocturna Medieval que alcanza xa a súa 28 edición. A proba celebra tamén o Memorial Hipólito Rey ‘Polo’, en homenaxe a un dos promotores desta lonxeva cita deportiva.
Noia celebrará o San Bartolomeu con seis días de festa para tódolos públicos
As festas do San Bartolomeu de Noia presentan un cartel para tódolos públicos con gran presenza do tecido cultural da vila. Celebraranse entre o 21 e o 26 de agosto e contarán con numerosos concertos, actividades infantís e citas tradicionais como a festa da empanada.
Noia licita a reforma integral do parque infantil da Alameda
O concello de Noia acometerá de inmediato a renovación integral do parque infantil da alameda. A actuación, cun investimento de case 67 mil euros, permitirá crear un espazo máis seguro, moderno e inclusivo, con novos xogos, un pavimento renovado e elementos adaptados.
Un cento de deportistas participarán na Travesía a Nado entre Testal e O Freixo
Preto dun cento de persoas daranse cita na Travesía a Nado entre os portos de Testal e o Freixo, organizada por ADECO-DEA. A proba, que se desenvolverá o sábado 15 de agosto, non terá carácter competitivo senón que busca converterse nunha xornada para o deporte e a inclusión.
A área de estacionamento de autocaravanas da Barquiña entrará en servizo nos próximos días
A próxima semana entrará en servizo a área de estacionamento de autocaravanas de Noia. O proxecto, enmarcado no Plan de Sustentabilidade Turística en Destino, supuxo un investimento próximo ós 200 mil euros.
Presentada a novena edición do Trofeo Portus Apostoli
Esta mañá presentábase en Noia a novena edición do Trofeo Portus Apostoli. A cita organizada polo Noia Fútbol Sala, en colaboración co Concello, disputarase no pavillón Agustín Mourís os días 21 e 22 de agosto, coincidindo coas festas do San Bartolomeu. A cita, que se disputará en formato de semifinal e final, reunirá, ademais do equipo local, o Noia Portus Apostoli, ó Palma Futsal, ó Parrulo de Ferrol e a Selección de Indonesia. Un cartel de auténtico luxo.
