Caldas apúntase á moda do tapeo cunha ruta na que participan dez locais
O concello de Caldas e a Asociación de Hostalería da vila impulsan a I Ruta de Tapas na que participan dez locais. Poderanse degustar por tan só tres euros entre este venres e o domingo. Este martes desvelaron as propostas coas que participan, poñendo en valor que están elaboradas con produtos de calidade e de quilómetro cero. Un xurado profesional e os propios clientes poderán escoller as creacións gañadoras. A cambio, entrarán no sorteo de vales de compra e dous abonos para o Portamérica.
O GDR Salnés-Ulla-Umia mobiliza un millón de euros para o impulso de proxectos que...
Ata o vindeiro seis de abril está aberta a nova convocatoria de axudas Leader que xestiona o GDR Salnés-Ulla-Umia. Poden optar a estes fondos proxectos que favorezan o desenvolvemento de zonas rurais, que fomenten o asentamento de poboación ou xeren postos de traballo. Destes fondos pódense beneficiar empresas e autónomos, pero tamén asociacións, comunidades de montes e os propios concellos. A gran novidade desta edición é que a convocatoria pasou de dúas a tres anualidades.
O alcalde da Caldas, satisfeito co anuncio da cancelación da Variante Oeste, do que...
Satisfacción no concello de Caldas ante a cancelación do proxecto da Variante Oeste. O alcalde agarda que a semana que vén o delegado do goberno oficialice ese anuncio para a partir de aí retomar o proxecto do 2008. O PP, entre tanto, garda cautela. De feito, manteñen unha iniciativa que van levar ao pleno do Parlamento a vindeira semana. Desconfían do anuncio feito polo líder dos socialistas galegos porque, din, Besteiro non é a persoa que debera ter anunciado a cancelación da Variante.
Caldas, en nivel vermello ante risco ‘moi elevado’ de inundacións
Alerta máxima en Caldas ante o risco de inundacións pola crecida do Bermaña e o Umia. A Dirección Xeral de Emerxencias emitiu un aviso facendo un chamamento a extremar as precaucións logo de que este mediodía se acadase o nivel vermello na estación Bermaña-Umia, o que se traduce nun alto risco de crecidas. Co Umia xa desbordado en varios puntos, o alcalde fai tamén un chamamento a evitar riscos innecesarios.
Estas son as incidencias que deixou a borrasca Joseph nas comarcas das Rías Baixas
A borrasca Joseph deixa a súa pegada nas Rías Baixas. O temporal das últimas horas foi especialmente virulento na comarca de Caldas. En Cuntis o río Gallo desbordou. Tamén rebordou o Umia ao seu paso por Caldas, inundando zonas como A Tafona. En Portas, os servizos de emerxencia tiveron que rescatar un condutor atrapado nunha pista anegada. No Salnés, co Umia tamén anegando zonas en Meis ou Ribadumia, a principal incidencia foron os cortes de luz en varios puntos, así como pequenos desprendementos. Mesma situación na comarca de Pontevedra, con danos de escasa consideración.
As obras do instituto Aquis Celenis de Caldas estarán rematadas en abril
Esta mañá o Conselleiro de Educación visitou o instituto Aquis Celenis de Caldas para supervisar os avances nos traballos. Aquí o goberno galego está a investir máis de 5,3 millóns de euros, nunha obra que Román Rodríguez cualificou de 'complexa'.
Pérez Gulín asegura que o seu primeiro ano como alcalde serviu para ‘sentar as...
O impulso ao novo centro de saúde e o desenvolvemento dos polígonos industriais, dous dos grandes fitos deste 2025 no concello de Caldas. Así o destaca, cando menos, o alcalde, que salienta tamén a apertura do novo Fogar do Maior ou o reforzo do mantemento e a limpeza en todo o municipio. A piques de facer un ano na alcaldía, Jacobo Pérez avanza para 2026 a adquisición de novos terreos na contorna da Tafona, para acoller distintas actividades ou a construción dunha ponte peonil sobre o Umia.
Caldas escenifica na rúa o seu rexeitamento ao trazado da Variante Oeste
Multitudinaria manifestación en Caldas contra a Variante Oeste. Unhas 2.000 persoas botáronse á rúa para amosar o seu rexeitamento a un proxecto que, denuncian, parte en dous lugares e parroquias e mata o rural. Na marcha participaron as distintas plataformas de afectados, así como todos os grupos políticos.
Caldas chama á veciñanza a mobilizarse contra a Variante Oeste o vindeiro 29 de...
Sábado 29 de novembro. É a data escollida en Caldas de Reis para celebrar a gran mobilización contra o estudo da Variante Oeste. A marcha, que está a ser impulsada polas plataformas veciñais coa colaboración do concello, sairá as 12 do mediodía da explanada do Hotel Sena. O percorrido rematará na Praza das Palmeiras coa lectura dun manifesto. Haberá un servizo gratuíto de autobuses para facilitar a participación.
O Plan Extra da Deputación de Pontevedra mobilizou 4,5 millóns de euros na comarca...
O primeiro Plan Extra da Deputación de Pontevedra mobilizou nos sete concellos da comarca de Caldas 4,5 millóns de euros. Hoxe o presidente do organismo provincial fixo balance dos proxectos que se beneficiaron destes fondos. Nun encontro en Moraña, Luis López destacou que o Plan Extra é un balón de osíxeno fundamental para os municipios de pequeno e mediano tamaño.
