Sanxenxo

Nova visita da Conselleira de Infraestruturas ao concello de Sanxenxo. Desta volta, María Martínez comprobou o avance das obras de humanización e mellora da mobilidade que se están a desenvolver na contorna da praza de abastos. A actuación conta cun investimento de 2,3 millóns de euros c contempla, entre outras medidas, o soterramento do tráfico na rúa Madrid. A primeira fase da intervención, calculan, estará rematada a principios de outubro.

O presidente da Xunta visitou os traballos que se están a realizar á altura de Portonovo, coa construción dun bulevar. Beirarrúas máis amplas e reforzo da seguridade viaria para, dixo Alfonso Rueda, un dos concellos turísticos máis importantes de toda España.

O concello de Sanxenxo traballa para que a praia de Silgar ofreza a súa mellor versión este verán. Hoxe iniciou o movemento de 10.000 metros cúbicos de area na zona leste do areal. O obxectivo: recuperar o seu perfil orixinal e amplia a zona de desfrute, despois de que os temporais do inverno desprazaran o árido á zona máis alta cubrindo pasarelas e lavapés.

Sanxenxo estreará este sábado dúas liñas de transporte urbano circulares e un autobús lanzadeira. Este último terá o seu punto de partida do polígono de Nantes, onde se vai habilitar un aparcadoiro disuasorio para uns 300 coches. As tres liñas estarán dispoñibles ata o vindeiro 8 de setembro. Esta mañá o alcalde e a directora xeral de Mobilidade da Xunta probaron este novo servizo lanzadeira, facendo todo o seu percorrido.

O novo presidente da Mancomunidade do Salnés convoca o seu primeiro pleno ordinario para o venres da semana que vén. Malia ter tomado posesión no mes de xaneiro, e as sesións ordinarias ter que celebrarse cada dous meses, ata o de agora aínda non se fixera ningunha. O anuncio desta convocatoria produciuse esta mañá, apenas unha hora despois de que o PSOE anunciase que ían presentar por rexistro unha solicitude de convocatoria. Os socialistas denuncian que o PP ten 'secuestrado' o organismo comarcal. Advirten, ademais, de que está ao borde da fractura.

Black Eyed Peas é o prato forte da segunda edición do festival Costa Feira. O evento recunca no polígono de Nantes, en Sanxenxo, cunha ampla escolma de actuacións, que se prolongarán do 24 de xullo ao 24 de agosto. Polo seu escenario pasarán, entre outros, Andrés Calamaro, Iván Ferreiro, Loquillo, Taburete ou Juán Magán. A organización asegura ter tomado nota dos erros da primeira edición, cun reforzo do servizo de autobuses lanzadeira, para evitar o atrancos na autovía do Salnés.

SANXENXO> Sanxenxo reforzará a súa seguridade e a coordinación entre corpos durante os meses de verán. Esta mañá celebrouse no concello a xunta local de seguridade, ás portas do desembarco na vila de milleiros...

SANXENXO> Cinco hoteis de Sanxenxo beneficiáronse dunha liña de axudas da Xunta para a mellora da súa eficiencia enerxética. En conxunto, recibiron unha subvención de 670.000 euros. Esta mañá o delegado do goberno galego...

A praia de Silgar acolleu un simulacro dun rescate cun dron dunha persoa que estaba afogando. Trátase dunha ferramenta que serviría para complementar o traballo dos socorristas. O dron achégase ata a persoa en apuros, lánzalle un chaleco salvavidas e comunícase con ela a través de voz. Un servizo que xa se usa en praias da Comunicade Valenciana e que agora tamén Sanxenxo estuda implementar.

SANXENXO>  Sanxenxo estuda a creación dun aparcadoiro disuasorio con autobuses lanzadeira. É un dos titulares que deixa o almorzo informativo que organizou esta mañá o alcalde da vila, coincidindo co primeiro ano da súa...