Outes

A Conselleira do Mar visitou esta mañá o edificio de Usos Náuticos do porto do Freixo en Outes. O concello vén de recuperar a concesión desta instalación e traballa xa na busca de financiamento para a súa posta a punto.

A Delegada da Xunta na Coruña, Belén do Campo, visitaba esta mañá Outes para supervisar as obras de reforzo que se están a evar a cabo actualmente na estrada AC-196 ó seu paso pola localidade. A actuación conta cun orzamento de preto dos 400 mil euros.

A Xunta de Galicia, a través do Consorcio galego de Servizos de Igualdade e Benestar, está a realizar diversas obras de mellora no centro de día de Outes. As actuacións, cun orzamento de preto dos 20 mil euros, teñen coma principal finalidade poñer fin ós problemas de filtracións que dende hai anos padece o edificio, con accións tanto na terraza coma na fachada posterior.

A Xunta mellorará os equipamentos da piscina municipal de Outes. Esta mañá o conselleiro da Presidencia, Xustiza e Deportes, Diego Calvo, e o alcalde da localidade, Fran Calo, asinaban o convenio de colaboración que permitirá realizar as actuacións, cun investimento duns 73 mil euros, dos que a Xunta aportará o 90%.

A conselleira do Mar participou esta mañá en Outes na presentación do Laboratorio Atlántico do Mar, o SeaLabHaus. O proxecto busca integrar a arquitectura, o patrimonio, a cultura e o turismo do mar, promovendo un deseño funcional e moderno que sexa accesible a todos. 

Outes acollerá os días 1, 2 e 3 de agosto a primeira edición do Master Nacional de Futbolín. O torneo está organizado pola asociación A Riola, en colaboración co Concello, e nel agárdase unha participación dunhas 130 parellas chegadas dende diferentes localidades galegas e tamén do resto do ámbito nacional.

O BNG levará ó Parlamento Galego a necesidade de incrementar a oferta formativa no eido da carpintería de ribeira para garantir a remuda xeracional do sector. Así o anunciou a súa voceira nacional. Ana Pontón, nunha visita realizada esta mañá ós estaleiros Lago Abeijón en Outes.

Dúas semanas despois de converterse en alcalde de Outes, Francisco Calo está a ultimar a estrutura do novo goberno. Entre os seus principais obxectivos a curto prazo destaca a atención ás necesidades veciñais e a elaboración dos orzamentos.

A delegada territorial da Xunta na Coruña visitou o concello de Outes para coñecer algunhas das actuacións nos camiños rurais desenvolvidas no municipio. A Xunta destinou 140 mil euros para a mellora destas vías na convocatoria bianual de axudas de Medio Rural.

Francisco Calo é o novo alcalde de Outes tras prosperar a moción de censura contra o xa ex rexedor Manuel González. No pleno celebrado esta mañá vivíronse momentos de gran tensión, especialmente durante a intervención de Tono Caamaño.