MUROS

Preocupación polo avance imparable da toxina en todas as Rías Baixas. Nestes momentos as rías de Pontevedra e Muros-Noia atópanse totalmente clausuradas, así como boa parte da de Arousa. En concreto, están pechados 41 dos 52 polígonos das rías.

Este mediodía pasaban a disposición xudicial no Xulgado de Muros os tres únicos detidos, polo de agora, pola descarga de cocaína desta pasada fin de semana na Pobra. Tres varóns de nacionalidade colombiana que ó parecer están detrás da chegada da cocaína dende Sudamérica ás nosas costas.

Uns 300 veciños concentráronse este sábado no Curro da Praza de Muros para demandar a incorporación dun pediatra. Levan máis dun ano cun profesional de baixa e tan só un médico en activo, compartido co concello de Carnota.

O Curro da praza de Muros acollerá este sábado unha concentración para demandar a incorporación dun pediatra. O SERGAS leva un ano sen cubrir a baixa de longa duración dun dos médicos polo que o servizo conta tan só cun facultativo compartido con CArnota.

O concello de Muros demanda unha solución urxente ás carencias que presenta o servizo de pediatría. Na actualidade contan con tan só un especialista compartido co centro de saúde de Carnota.

O conselleiro do Mar, Alfonso Villares, anuncia investimentos en infraestruturas portuarias en Muros por un importe de máis dos 800 mil euros. Entre as actuacións presentadas figura a reconstrución dun tramo de peirao na dársena interior do peirao muradán e a mellora da rampla no porto de Esteiro.

A Garda Civil investigou a un total de sete persoas como presuntas dun delito de estafa e outro de usurpación de estado civil a raíz da denuncia formulada no cuartel de Muros por unha veciña da localidade. Os feitos remóntanse xa ao mes de setembro, data na que se presentou a denuncia. 

A Ría da Estrela presentou en Fitur as novidades da súa oferta turística baseada este ano no seu primeiro catálogo de peregrinacións marítimas a través da ría de Muros e Noia. Aproveitou a súa presenza na feira para presentar tamén o primeiro itinerario cultural e paisaxístico circular, tomando coma referencia dúas rutas xacobeas, o Camiño de Fisterra-Muxía e o Camiño da Ría de Muros-Noia. A Ría da Estrela escolleu Fitur, a feira internacional de turismo más importante por volume de participantes e asistentes, para presentar as principais novidades da súa oferta turística para este 2025. O alcalde de Noia, Santiago Freire, que vén de asumir cargo de presidente da entidade en substitución da alcaldesa de Lousame, Teresa Villaverde, foi o encargado de presentar o xeodestino, vinculado ó Camiño de Santiago. A primeira das propostas, o primeiro primeiro catálogo de peregrinacións marítimas a través da Ría de Muros Noia, que ofrece a posibilidade de facer a ruta navegando de tres formas distintas

A Deputación da Coruña participou este ano en Fitur centrando a súa campaña deste ano na gastronomía e no deporte. Neste aspecto, aproveitaron para presentar a primeira vía verde coa que conta a provincia.

O conselleiro do Mar, Alfonso Villares, visitaba esta mañá Muros para comprobar a execución dos investimentos realizados na lonxa da localidade ó abeiro da convocatoria de axudas para equipamentos portuarios do pasado ano 2024. O pósito muradán beneficiouse desta liña de axudas para a adquisición dunha carretilla elevadora, unha nova máquina de xeo, novos equipos de pesaxe e tamén unha fregadora aspiradora. Todo por un investimento total que superou os 360 mil euros.