Cantareiras e pandereteiras, protagonistas da romaría das Letras Galegas de Meis
O Concello de Meis celebrará o Día das Letras Galegas cunha romaría. Vaise celebrar na Casa de Parga, cun especial protagonismo para as pandereteiras e cantareiras. A festa arrancará xa a media mañá, coa intención de que a veciñanza vaia alí pasar o día e comer de campo. As actuacións musicais iranse sucedendo ao longo de todo o día, con formacións locais. O peche da xornada virá da man das Lembranzas.
Ribeira presenta as actividades do Maio Cultural 2025
O concello de Ribeira presentou o programa do Maio Cultural 2025, que organiza a concellería de Cultura en colaboración coas áreas de Educación e Normalización Lingüística. o programa destaca pola súa variedade de actos, cunha aposta polas actividades vinculadas á promoción da lingua galega e á difusión e posta en valor da nosa cultura.
Noia recupera o seu antigo Cine Club
A iniciativa xorde da man dun grupo de amantes do sétimo arte co apoio da concellería de Cultura. As proxeccións iniciaranse xa o vindeiro 11 de maio no Coliseo Noela e prolongaranse ata o 8 de xuño, grazas tamén á colaboración de Cine Numax, encargado do deseño da programación.
A Pobra organiza un novo ciclo dedicado ao escritor Victoriano García Martí
Esta mañá presentábase na Pobra o sexto Ciclo Victoriano García Martí. A programación desenvolveranse os días 25 e 26 deste mes de abril e nelas, ademais da tradicional ofrenda cívica diante do seu busto, incluirase a presentación dunha nova publicación, ‘Fiestra del madrigal’, un resumo do discurso pronunciado polo escritor no teatro liceo de Ourense en maio de 1913.
Volven as ‘Visitas Guiadas’ a Noia na Semana Santa
A concellería de Turismo de Noia e a asociación Noia Histórica volven ir da man na organización das visitas guiadas durante esta Semana Santa. Con esta actividade, con gran demanda, buscan poñer en valor o patrimonio histórico da vila, e ó mesmo tempo promocionar os negocios locais.
Heredeiros da Crus e Monoulious DOP actuarán no Estival Fest 2025
A concellería de Cultura de Noia vén de poñer á venda as entradas para unha nova edición do Estival Fest. A cita será o vindeiro 17 de maio e o cartel do festival compóñeno dúas bandas con moito tirón na comarca como é o caso de Heredeiros da Crus e Monolius Dop.
A Deputación da Coruña entrega os premios dos seus certames culturais
BARBANZA> Un ano máis o Teatro Colón acollía a última hora da tarde de onte a Gala da Cultura da Deputación da Coruña.
O evento, no que se contou cunha ampla representación da corporación provincial, estivo...
A tradicional feira cabalar será de novo un dos atractivos das festas de San...
A concellería de Cultura de Noia presentou esta mañá o cartel das festas do San Marcos. Os festexos celebraranse do 25 ó 27 de abril. Como é tradición a feira cabalar será un dos gran atractivos do programa, cos concursos morfolóxicos e de andadura nos que se repartirán máis de catro mil euros en premios.
O Centro Comercial Arousa volve apostar pola cultura coa primeira mostra en Galicia do...
Coñecemos o proxecto artístico de Baldot, un exboxeador colombiano que hai tempo decidiu cambiar as súas luvas para pelexar por pinceis. O artista ten exposto xa en medio mundo e, por primeira vez, visita Galicia cunha exposición que se pode visitar no espazo cultural do Centro Comercial Arousa. A mostra está protagonizada por ducias de polos de cores vivas e trazos rápidos. Vaise inaugurar este mércores.
Galaxia conmemora o seu 75 aniversario co libro ‘As poetas da colección Salnés’
Cinco autoras danse cita no libro 'As poetas da colección Salnés'. Trátase dunha publicación impulsada por Galaxia, coa que se conmemora o 75 anivesario da editorial. Un poemario que serve tamén de homenaxe á célebre Colección Salnés creada en 1961 de poesía en lingua galega. Neste novo libro, presentado esta mañá en Carril, inclúense textos de autoras como Xohana Torres, María do Carme Kruckenberg ou Pura Vázquez.
