NOIA> Con case un mes de retraso os mariscadores de Noia volveron hoxe o mar. Non o fixeron ata mediodía ante a demora do Intecmar na entrega dos resultados das analíticas, o que causou gran malestar entre os profesionais que permanecían en Testal dende primeira hora da mañá.
O segundo resultado negativo fíxose agardar. A pesar de que as mostras foron enviadas o luns a primeira hora da mañá, o Intecmar non comunicou o resultado ata este mediodía. A intención da confraría era poder iniciar a campaña o martes polo que os mariscadores desprazáronse xa na xornada de onte ata Testal. Finalmente non puido ser e a situación repetíase dende as nove desta mañá cos profesionais concentrados en Testal á espera de poder traballar.
Sen embargo, non foi ata as doce cando se publicaron os resultados e puideron por fin saír ó mar, dispoñendo unicamente de dúas horas, o que xerou gran malestar entre os profesionais que agardaban con impaciencia a volta ó traballo.
A pesar de que tarde, a xornada desenvolveuse sen incidencias a pesar do mal tempo que condicionou a actividade. Foi precisamente no escaso tamaño que coincidiron a maior parte dos mariscadores posto que as mostraxes auguraban un berberecho de maior calidade.
Aínda así, a hora e media de traballo bastou para que a maioría dos profesionais se fixese cos topes fixados en 15 quilos de berberecho para o primeiro e segundo tripulante e dez para o terceiro. Trátase de topes moi baixos xa que as conserveiras non puideron recibir mostras por mor da toxina.
Mañá incrementarase ata 30 quilos o tope de berberecho e a partir do luns xa traballarán a pleno rendemento con topes de 40. Os mariscadores agardan que os prezos acompañen para cumprir coas boas expectativas desta campaña que tanto se fixo de rogar.
