A Pobra sairá a rúa en defensa da sanidade pública o domingo 28 de...
A Plataforma en Defensa da Sanidade Pública do Barbanza vén de convocar unha manifestación para o vindeiro domingo 28 de xuño na Pobra. A saída terá lugar ás doce da mañá, dende as inmediacións do centro de saúde, para percorrer diversas rúas da vila ata a Praza do Emigrante. A mobilización ten coma principal finalidade a demanda de solucións ás carencias na atención sanitaria que padece a veciñanza da localidade, entre as que se atopa a solicitude dun PAC en horario de tarde.
O Torneo Internacional Congalsa logra recadar máis de 7 mil euros para a Fundación...
Esta mañá a organización do Torneo Internacional Congalsa de Fútbol Base celebrado o pasado mes de maio na Pobra fixo balance da competición. A nivel deportivo e organizativo o Torneo volveu a saír de 10, logrando ademais recadar máis de 7 mil euros que irán destinados á Fundación Aladina, que presta apoio a nenos con cancro e ás súas familias.
Natureza, cultura e tradición conforman a experiencia turística da Pobra para este verán
O concello da Pobra presentou a súa oferta turística para este verán. Experiencias mariñeiras, natureza, paisaxe e patrimonio concentran boa parte das actividades das que poderán gozar os numerosos visitantes que se acheguen ata o municipio.
A ‘Choqueirada de Verán’ encherá A Pobra de disfraces en pleno xuño
A Pobra segue a apostar por eventos que atraían visitantes ó longo de todo o ano. A finais deste mes de xuño terá lugar unha nova edición da Choqueirada de Verán con animación musical a cargo de varios grupos e unha sesión DJ
A Pobra volverá camiñar contra o cancro o 14 de xuño
A Pobra volverá camiñar unida contra o cancro. O domingo 14 de xuño terá lugar unha nova edición da andaina solidaria. Ademais das probas, que se dividen en dúas distancias, haberá actividades para nenos e animación musical.
A Pobra volverá ofertar viaxes ás Illas Atlánticas este verán
O concello da Pobra volverá ofertar este verán viaxes en catamarán ás Illas Atlánticas. As saídas ás Illas Cíes, Ons e Sálvora estarán organizadas pola empresa Piratas de Nabia.
A Pobra conmemorará o Día das Forzas Armadas cun concerto
O Cine Elma da Pobra acollerá o próximo 6 de xuño un concerto da Unidade de Música do Cuartel Xeral do Mando de Apoio á Manobra. Esta actividade, enmárcase no programa de actos conmemorativos que se están a desenvolver co gallo do Día das Forzas Armadas.
Máis de 350 persoas participan na X Andaina Solidaria de Congalsa
Éxito de organización, e tamén de participación, na décima edición da Andaina Solidaria de Congalsa celebrada onte domingo na Pobra. A iniciativa reuniu a máis de 350 persoas, que saíron a camiñar por unha boa causa. Todo o recadado, a firma o entregará a distintas ONG’s que traballan na comarca e tamén á Confraría de Pescadores da Pobra, entidade que está a atravesar un momento delicado, ó borde da desaparición.
A Plataforma estuda novas medidas de presión para lograr a apertura do PAC da...
Continúan as concentracións da Plataforma en Defensa da Sanidade Pública do Barbanza. Esta mañá tiñan lugar fronte ó centro de saúde de Aguiño para demandar a cobertura do cen por cento das prazas e na Pobra onde esixen a apertura do PAC en quenda de tarde.
Congalsa recibe o Real Olé de Nova Iorque e o Fursán Hispania de Dubai
Todo preparado na Pobra para acoller unha nova edición do Torneo Internacional de Fútbol Base Congalsa. Este ano coa participación dun total de 37 equipos en categoría alevín. Dous deles, o Real Olé, de Nova Iorque, e o Fursán Hispania de Dubai xa se atopan na localidade e esta mañá foron recibidos nas instalacións de Congalsa, empresa principal patrocinadora do evento.
