A POBRA> O concello da Pobra convoca á cidadanía a unha asemblea este mércores co fin de presentar as distintas propostas para o futuro modelo de recollida do lixo. Será ás oito da tarde no antigo local do ISM.
Ademais de dar a coñecer as cifras de separación e reciclaxe que se manteñen aínda por baixo do desexable, o concello da Pobra presentará as distintas propostas para deseñar o futuro modelo de recollida do lixo no municipio.
A intención do executivo é ter elaborados os pregos cara finais de ano para poder licitar o novo servizo coa previsión de entrar en funcionamento en 2026.
A asemblea terá lugar este mércores ás oito da tarde nas antigas dependencias do ISM. Está aberta a toda a cidadanía.
