RIBEIRA> A alcaldesa de Ribeira participou esta mañá no acto de clausura dos obradoiros de conciliación desenvolvidos durante o Nadal. 45 nenos participaron nas actividades de lecer desenvolvidas no conservatorio municipal para facilita a conciliación das familias durante o período non lectivo.
Unha gran festa con inchables, música e obradoiros puxo o broche final ó campamento de Nadal desenvolvido en Ribeira. A alcaldesa desprazouse ata o pavillón do CEIP O Grupo, onde se celebrara o evento, para acompañar ós 45 cativos que participaron na iniciativa. María Sampedro non dubidou en sumarse ós xogos e compartir un bo rato cos pequenos que durante este Nadal tiveron oportunidade de gozar dun tempo de lecer.
Dende o concello de Ribeira seguirán a apostar pola conciliación ofrecendo alternativas ás familias durante tódolos períodos non lectivos como a Semana Santa ou o verán nos que se tamén se desenvolverán campamentos para os nenos en idade escolar.
