RIBEIRA> O Club Natural Sport celebrará unha nova edición do Open de Taekwondo Cidade de Ribeira. Nesta cita, prevista para esta fin de semana no complexo deportivo da Fieteira, daranse cita destacados deportistas a nivel internacional.
Máis de seiscentos deportistas daranse cita esta fin de semana na Fieteira para participar na vixésimo quinta edición do Open Internacional de Taekwondo Cidade de Ribeira. Ademais de amosar todo o seu potencial, os deportistas do Natural Sport competirán con equipos de todo o panorama nacional neste campionato clasificable non só para o ránking galego senón tamén o portugués.
Ademais da competición que se desenvolverá o sábado durante toda a xornada e o domingo pola mañá haberá distincións especiais no marco desta cita.
Entregaranse tamén os premios ‘Con Naturalidade’ que recoñecen o labor de persoas que poñen o nome de Ribeira no mapa. Recaerán sobre a deseñadora María Alborés, a fotógrafa Flora Iglesias e a reitora da USC, Rosa Crujeiras mentres que no premio á traxectoria profesional porase en valor o labor de Chiqui Durán.
