Un bolo xigante para pechar as festas de San Gregorio

festa_bolo_paradela_100_200409.jpgMEIS> A parroquia de Paradela honrou ó santo cunha feira campestre na que o doce de máis de cinco metros de longo foi un dos principais atractivos.

{flowplayer}images/salnes/200409_festa_bolo_paradela.flv{/flowplayer}

Máis de cinco metros de longo, case dous e medio de ancho, seis mil ovos e máis de vinte persoas para elaboralo. Estas son as cifras do xigantesco bolo de Pascua que, como manda a tradición, se degusta cada ano o día grande das festas de San Gregorio. Centos de veciños e turistas achegáronse ó campo de A Boca, en Meis, para ver a entrada deste doce no recito feiral. O panadeiro José Silva, xunto a súa dona e os seus fillos foron de novo os encargados de crear este bolo. Ás doce e media da mañá do domingo chegaba ó campo das festas desde a panadería Paradela. Pero antes de degustalo, tivo lugar a misa campestre na honra de San Gregorio, así como a procesión ata o cruceiro.

O bo tempo fixo que moitos se animaran a participar nos festexos. Ó remate dos actos relixiosos comezou a romaría, na que os asistentes degustaron o famoso bolo, ademais de churrasco e viño. Xa pola tarde, a Banda de Música de Caldas de Reis puxo ritmo á xornada, para clausurar este último día de festa cunha verbena amenizada pola orquestra Samba.

Redacción Salnés