OUTES> Unha veciña do lugar de Sacido faleceu previsiblemente asfixiada cando intentaba apaga-lo lume a carón da súa casa .
{flowplayer}barbanza/falecidaoutes.flv{/flowplayer}
A falecida, Carmen Paz, de 69 anos e que residía soa na súa vivenda, foi atopada por efectivos da brigada contra incendios da Consellería de Medio Ambiente que se achegou ata o lugar para proceder á extinción do incendio.
Nada máis chegar á zona e inicia-las labores de extinción os membros da cuadrilla atopáronse coa desagradable sorpresa.
Queima non autorizada
Aínda que a investigación está en marcha, todo apunta a que a vítima se atopaba realizando unha queima de restrolllos nos terreos da súa propiedade próximos á súa vivenda.
Dase ademais a circunstancia que a falecida sufría unha doenza respiratoria, polo que podería ter sufrido un desvanecemento e caer sobre o lume ó intentar apagalo.
Ata o lugar do suceso, ademais do operativo de Medio Rural, desprazouse unha patrulla da Garda Civil e da Policía Local de Outes.
Redacción Barbanza
