BOIRO> A concelleira de Cultura, María Outeiral, foi a encargada de debullar a programación cultural para estes meses de outono.
As propostas xirarán ó redor do cine, a música e o teatro.
As obras de rehabilitación e ampliación da casa da Cultura da Cachada obrigan a ter que mudar de localizacións para algunha destas actividades, especialmente as que gardan relación coas artes escénicas que pasarán a desenvolverse no Centro Social de Abanqueiro,
Un outono máis volve a ofertarse o Ciclo de Cine Mestre Mateo. Tódolos domingos de outubro e novembro ás sete da tarde no Centro Social de Boiro.
A primeira proxección será xa este domingo co documental ‘Mary Quintero. 90 anos de creatividade’.
Na programación do outono cultural tampouco faltará a música. Entre as propostas destaca o concerto deste sábado día 3, do músico mozambiqueño Cheny Wa Gune, ás nove da noite no Pazo de Goiáns.
