PONTEVEDRA> Así o constata un estudo de CCOO relativo á poboación activa na provincia durante o 2011.
{flowplayer}images/salnes/estudo_mulleres_ccoo070312.flv{/flowplayer}
A actual crise económica está a achegar os datos de desemprego e de taxa de actividade entre homes e mulleres. Así se constata no estudo sobre as mulleres no mercado laboral da comarca de Pontevedra, presentado hoxe por Comisións Obreiras. Os datos de poboación activa feminina adoitaban estar 20 puntos por debaixo dos homes, pero agora parece que hai un equilibrio. A decembro de 2011 había preto de 81 mil afiliados á seguridade social, o 48 por cento mulleres e o 52 por cento homes.
Para Comisións Obreiras, os recortes e a última reforma laboral impulsada polo goberno central non mellorará a situación laboral das mulleres, sobre todo en materia de igualdade de xénero.
O estudo de Comisións Obreiras constata que nos datos do paro de 2011 hai máis homes desempregados que mulleres, pero que esto se debe a que o emprego feminino se centra, sobre todo no sector servizos. Advirte que en Pontevedra o 68 por cento dos contratos a tempo parcial levan nome de muller. E que as mulleres con menor cualificación académica se colocan mellor no mercado laboral que as universitarias.
Redacción Salnés
