Barbanza - Muros - Noia

As amas de Casa de Ribeira organizan durante este Nadal unha serie de propostas festivas e solidarias para toda a cidadanía. Ademais do seu tradicional festival que se celebrará o 27 de decembro, poñerán en marcha un mercado solidario de libros así como unha recepción dos Reis Magos.

A conselleira do Mar tende a man ó sector pesqueiro na busca de medidas para mitigar o impacto do recorte nos TAC. A redución de cotas en especies como o lirio e a xarda implicará importantes prexuízos non só para os produtores senón para toda a cadea mar-industria.

Esta mañá arrancaba a campaña da vieira na ría de Arousa. Foi un arranque limitado e controlado pola consellería do Mar e previamente consensuado coas dúas confrarías autorizadas para a extracción desta especie, como son Cambados e Rianxo. A campaña reducirase unicamente a tres días, dende hoxe ata o venres 19, cun máximo de 7.500 quilos de vieira para os dous pósitos.

Portos de Galicia cede ó concello de Rianxo unha parcela de seis mil metros cadrados a carón do auditorio municipal que será empregada como aparcamento público. Así o anunciou a conselleira do Mar, Marta Villaverde, durante unha visita á zona na que estivo acompañada polo presidente de Portos de Galicia, José Antonio Álvarez.

O campo municipal de Vista Alegre acollerá este domingo un partido de fútbol moi singular. A Garda Civil medirá forzas contra o clero nun encontro benéfico no que tódolos fondos recadados irán destinados a Cáritas Parroquial.

A escavación desenvolvida a pasada semana no Castro da Croa revelou importantes datos sobre este xacemento. Os vestixios achados indican que estivo longamente ocupado e contou cunha extensa actividade.

Os sete afortunados gañadores do primeiro sorteo de caramiñas da praza de abastos da Pobra recollían esta mañá os seus vales. Poderán trocalos nos distintos postos do mercado pobrense ata o día 24.

As obras da nova casa de cultura de Boiro, que se están a executar estes días, tiveron hoxe un avance importante, coa demolición da vella estrutura do edificio. Os traballos foron seguidos de preto polo Delegado do Goberno, Pedro Blanco, que se achegou a Boiro para comprobar a marcha dos mesmos.

A conselleira de Política Social e Igualdade, Fabiola García, asistiu esta mañá á inauguración da ampliación da escola infantil do parque empresarial da Tomada, na Pobra.  A actuación realizada contou cunha achega da Xunta duns 240 mil euros. As obras levadas a cabo permitiron dobrar a súa capacidade ata acadar as 80 prazas.

A delegada territorial da Xunta na Coruña visitou esta mañá a sede do Club de Piragüismo Rías Baixas en Boiro. A entidade resultou beneficiaria de diversas liñas de axuda autonómicas para a adquisición de novas embarcacións e o patrocinio en alta competición.