RIANXO> Os pais do CEP Xosé María Brea Segade de Taragoña concentráronse ás portas do centro para demandar melloras educativas. Ademais do blindar o profesorado acadado tras anos de protestas esixen un orientador a tempo completo, máis especialistas en AL e melloras nas instalacións para reforzar a seguridade do centro.
Tras dous anos de protestas, a comunidade educativa do CEP Brea Segade de Taragoña conseguía este ano o tan demandado desdobre para 4º de primaria. Co obxectivo de blindar a dotación deste mestre de cara ó vindeiro curso volveron concentrarse este mediodía ás portas do centro. Demandan tamén un orientador e un especialista en AL tempo completo.
Ademais de profesorado, dende o centro reclaman tamén unha reforma integral das instalacións que presentan múltiples deficiencias.
Consideran que o escaso mantemento e as numerosas eivas que presenta o inmoble, construído hai máis de corenta anos, non garanten a seguridade dos máis de cen alumnos con que conta o colexio.
