NOIA> A directora xeral de Xuventude visitou esta mañá o Espazo Xove de Noia onde se veñen de acometer unha serie de melloras. Estas instalacións forman parte dunha rede de 12 centros dependentes da Xunta en toda Galicia que buscan crear espazos de encontro para a mocidade.
O Espazo Xove de Noia é un dos máis dinámicos de toda Galicia cun amplo número de mozos que fan uso das instalación, especialmente durante a fin de semana. A directora xeral de Xuventude quixo achegarse ata o centro para coñecer as melloras realizadas nos últimos meses nas instalacións así como o novo material adquirido para ampliar os seus usos, mesmo como local de ensaio.
Lara Meneses lembrou ademais que calquera dos centros que integran a rede de Espazo Xove é de uso libre para a mocidade tanto para pasar tempo de lecer como para coñecer os programas que desenvolve a Consellería ou realizar xestións como a activación do carné xove.
