‘CONTRASTES’ > TeleSalnés Barbanza prepara un debate sobre Ence co que se pretende esclarecer que pasará coa factoría de Lourizán. O tema será tratado o luns 20 de marzo no programa ‘Constrastes’ que dirixe e presenta Antonio Blanco. Tralos últimos rumores sobre un posible traslado ó polígono Barro-Meis o programa tratará de respostar ás preguntas que teñen tanto veciños como políticos locais e mesmo os traballadores da factoría.
Para iso TeleSalnés Barbanza convidou ós principais implicados no tema, os conselleiros de Industria e Medio Ambiente, Fernando Blanco e Manuel Vázquez, o alcalde de Barro, José Antonio Landín Eirín, o secretario de CC.OO., José Luis García Pedrosa e o presidente da Plataforma en Defensa da Ría de Arousa, Xaquín Rubido. As invitacións foron feitas e os convidados deberán confirma-la súa presenzia nos vindeiros días para falar dun tema esencial para o futuro das Rías Baixas e de Galicia.
