BOIRO > Xa remataron os traballos de construción do viaduto no lugar de Ordenario-Pazos de Coroño
Dende finais do ano 2005 a ponte atopábase intransitable para o tráfico rodado por mor das riadas que desestabilizaron os piares, polo que tan só os viandantes podían facer uso dela.
Convenio de colaboración
A principios de ano, a Consellería de Política Territorial e o concello de Boiro asinaban un convenio de colaboración para a reconstrución desta ponte. Este documento viña substuir ao que se firmara no ano 2006, xa que foi necesario realizar unha reformulación do proxecto.
{flowplayer}barbanza/novaponteordenario.flv{/flowplayer}
Tras varios estudios, decidiuse proceder ao derrubamento da ponte vella e levantar outro viaduto sen alicerces intermedios, para evitar que a acumulación de ramaxes e garantir a fluidez das aguas.
Despois de catro meses de iniciada esta actuación, financiada pola Consellería de Política Territorial cun investimento de 281 mil euros, xa se atopa rematada, tal e como confirmou o edil boirés de obras e servizos, Xoán Xesús Ares.
A partir de agora, unha vez construido o novo viaduto o concello de Boiro asumirá a súa conservación e mantemento.
Redacción Barbanza
