BOIRO> A Asociación Boirense de Empresarios asinou un convenio de colaboración coa compañía de seguros médicos ASISA.
{flowplayer}barbanza/convenioabeasisa.flv{/flowplayer}
Mediante o convenio asinado este martes os asociados da patronal boiresa poderán acceder a este servizo de asistencia médica cun desconto superior ó corenta por cento.
Total cobertura
Segundo explicaron os responsables de ASISA trátase dunha cobertura case integral, dende atención primaria ata alta ciruxía, con posibilidade de elixir os centros e os médicos.
O seguro inclue ademais unha póliza dental con cobertura para tódolos membros da familia.
Os preto de catro mil socios da ABE e os seus familiares poderán beneficiarse deste convenio cunha empresa líder en seguros sanitarios, que ofrece un amplo catálogo de medios técnicos e humanos e mantén concertos cos principais hospitais, clínicas e centros médicos de Galicia.
Redacción Barbanza
