VILANOVA> Belén Esteban amosou a súa nova imaxe no ‘momódromo’ de Vilanova. Retrasouse 15 días, pero finalmente descubriuse a identidade do Momo.
{flowplayer}images/salnes/momo2010.flv{/flowplayer}
VILANOVA> Belén Esteban amosou o sábado a súa nova imaxe no momódromo de Vilanova. Retrasouse 15 días, pero finalmente descubriuse a identidade do Momo deste ano que recaeu na televisiva ex de Jesulín de Ubrique.
Foi o último vestixio do Entroido deste ano e parece que o espírito de Don Carnal esperou pola cita vilanovesa. Miles de persoas achegáronse o sábado pola tarde á localidade para participar e tamén ver o desfile do Momo. Unha Belén Esteban de cartón pedra percorreu as rúas en pleno quirófano, rodeada de cirurxiáns en plena faena. Unha escena que seguiu de preto o toureiro de Ubrique, e como xefe de cerimonias repetiu Toñito de Poi.
Na comitiva participaron outras moitas carrozas, charangas, grupos folclóricos e todo tipo de disfraces. Desfilou ata o buque Alakrana dominado por un grupo de piratas. Non faltaron alusións ó Xacobeo e por Vilanova desfilou o Botafumeiro da catedral de Santiago. Maiores e pequenos gozaron desta festa, que se fixo esperar por mor do mal tempo. O desfile rematou como sempre no peirao coa queima do Momo.
Redacción Salnés
