VILAGARCÍA> O certame é o maior expositor da cultura culinaria de Portugal. O 30 de outubro será o día dedicado a Galicia.
{flowplayer}images/salnes/FESTIVAL_GASTRONOMICO_PORTUGAL.flv{/flowplayer}
O Festival Nacional de Gastronomía de Santarem é un certame con 30 anos de historia que busca innovar os pratos da cociña tradicional, á vez que explota a vertente gastronómica como atractivo turístico. A cidade de Vilagarcía participará como convidada á mostra por segundo ano, pero tanto a organización do certame como as concellerías de cultura e turismo arousanas pretenden que a vinculación co festival se converta en permanente.
España, Santo Tomé e Príncipe son os países convidados este ano ó certame. Celebrarase entre o 15 de outubro e o 1 de novembro, e ademáis das degustacións, están programadas charlas de carácter informativo sobre gastronomía ou concursos entre os visitantes que se acheguen ás tasquinhas a probar e votar as mellores tapas.
Redacción Salnés